En Acento Galego traballamos dende Cedeira, unha pequena vila na costa da Coruña. Cremos na revitalización dos nosos pobos e vilas, en traballar dende onde o corazón nos chama para poder ser máis coherentes cos nosos valores e propósitos.

Todo o que vendemos o producimos de un en un, manualmente e con todo o noso cariño posto en cada peza. Recuperar o valor das cousas con alma, con defectos, con imperfeccións é imprescindible para construir un futuro sostible para os que veñen detrás.

Nun mundo que se move a tanta velocidade é difícil atopar productos ou proxectos que sigan tendo alma detrás. Nós non queremos perder esa esencia que nos fixo comezar ese proxecto e por iso, cada vez que sacamos un producto lembramos que debe ter algo noso, debe ter alma.